Monday, September 14, 2015

සිරා සහ බුකිය.

කල්ප කාලාන්තරයකට පසුව පස්සෙන් පහුගිය දිනක රොටියාට සිරිපාලව බැහැදකින්න යන්නට පොටක් පෑදුණේය. ගෙදර දොර ලඟට ගොස් පැය කාලක් පමණ මරහඬ තලා, ටෙලිපෝන් කෝල් පන්සීය පනස් දෙකක් දී දොර නෑරුණු තැන රොටියා කළේ උගේ ෆේස් බුකියේ ටයිම් ලයිනයට සුද්ද සිංහල සහිත පණිවිඩයක් ඇලවීමය

ප්‍රතිපලය ක්ෂණික වුවාය

"අඩේ සමාවෙයන් මචෝ.. ගෙදර කවුරුත් නෑ.. මාත් මේ හෙඩ් ෆෝන් දාන් හිටියේ..බ්ලාහ් බ්ලාහ්.." උගේ අඬාවැළපීම ඉවරයක් නොවූ තැන තවත් සංස්කෘත වචන ස්වල්පයකින් උගේ අදෝනාව ඉවරයක් කල රොටියා ඊයක් සේ පිඹගෙන ගියේ ඌ ඔයතරම් උවමනාවෙන් බැලුවා යයි කියන වීඩියෝව බලන්නය

කවුදෝ ගැටිස්සියක් සින්දුවක් කියනවාය

"මයි නේම් ඉස් ශිලා ශිලා ඔහ්..."

යකෝ මේ ඉන්දියන් කෑල්ලක් සුපර්ස්ටාර් එන්න පුරුදු වෙන එකක්ද?

නෑ බූරුවෝ ඕක තමා දැන් ලංකාවේ සුපර් හිට් එක. ෂෝක් නංගිය නේද.. බලන්නකෝ කියන අපුරුව.. ඇස්වහ වදීද දන්නෙත් නෑ නංගි බබාට.....මං මැසේජ් එකකුත් දැම්ම. එයා කියල එයාට මැසේජස් ගොඩාරියක් එන නිසා හැම එකකටම රිප්ලයි කරන්න බැයිලු. බලපන් කොච්චර හැදිච්ච ලමේක්ද.. නැද්ද මචං

රොටියා තව ටිකක් ස්ක්‍රිනය ලඟට සම්ප්‍රාප්ත වුයේ මෙච්චර මූ උඩ දාන කෙලිත්තියගේ මුණ හරියට බලා ගන්නටය

"අඩේ සිරිපාලයා.. මේ ළමයා නේද අර උඹ පස්සෙන් ගිහින් බස් හෝල්ට් එකේදී උබට සපත්තුවෙන් ගැහුවේ"

සිරිපාලයා වීරවි ගියේය."උඹට අමු කැවිලද බන්.." කී නමුත් ඌත් මොනිටරේට පාත් උනේ තවත් හොඳට උගේ නංගි බබාගේ මුණ බලා ගන්නටය

"අයෑම් ටූ සෙක්සි.." නගා ගයයි

අපේ සිරිපාලයා ඇස් ඩොගිත්තා ගනී

"නො නො නෝ මයි නේම් ඉස් ශිලා කී ජවානි.." නගාත් නවත්වන්නේ නැත

සිරිපාලයට දැන් ඇඩෙන නොඇඩෙන ගානය

"යකෝ සිරාවටම උඹ කිව්වත් වගේ. මේ ඒකි නේද බං...."

ඊළඟට සිරිපාලයා පිස්සු වැටුනා සේ මුණු පොතට පැන හතර වටේටම කොටාගෙන කොටාගෙන ගියාය.

රොටියා: අඩේ මොනාද බන් උඹ ඔය කරන්නේ..."

සිරා: (දත්කුරු හපයි..තනියම මුමුණයි) බලපන්කෝ මං මේකිට කරන වැඩේ...

රොටියා: "ඇයි උඹ මොනා කරන්නද"

සිරා: හුහ්.. මේකිව නැග්ගුවෙත් අපි.. බස්සනෙත් අපි.. බලහන්කො මේ ෆේස් බූක් එකේ දාල තියෙන ස්ටේටස්. හැමෝටම රිප්ලයි කරන්න බැයිලු.හුහ් මේකි ගිහින් තියෙන උඩ.. නැද්ද මචං

***

උදෑසන ජවනිකාවෙන් පසු කාබී සැනහෙනවාත් සමග අපේ සිරාට තවත් බලුප් එකක් පත්තු වුවාය

"අඩේ රොටියා.. තෝ බැලුවද අර වීඩියෝ එක.."

"ඇයි දැන් බැලුවේ උඹත් එක්කම.."

"නෑ යකෝ.. අර සුජි ඔය.... කතන්දරේ.."

"නෑ මචං..මොකද්ද ඒ"

"උඹට කියන්න මචං රට ඉන්න ගෑණියෙක් බයිනවා බැනිල්ලක් මිනිහට.. ආයේ නෑ.. මාත් ඕඩියෝ එක විතරයි ඇහුවේ. බලමුද වීඩියෝ එක"

රොටියා හා බෑ කීමට පෙර ඌ දිව ගොස් ලැපය උස්සාගෙන ආවේය. ඒ එන අතරෙත් මූ දෙසා බෑවේ ලංකාවේ දැන් හැදෙන ගෑනුන්ගේ නුගුණය. "මං අහන්නේ මොකක් උනත් ගෑණියෙක්ට වටිනවද බන් මිනිහට එහෙම කතා කරන්න

වීඩියෝව අපැහැදිලිය. කාන්තාවක් දැඩිව කාටදෝ දොස් නගන්නේ දුරකතනයකිනි. වීඩියෝ කරපු ලොල්ලාට ඒක හරියකට කර ගන්නට නොහැකි වූ නිසා දර්ශන එක තැනක රැදෙන්නේ නැත. ටිකකින් ඇගේ මුහුණේ සමීප දර්ශනයක් පෙන්වුණි

රොටියා පැන අල්ලා නොගන්නට සිරාගේ ලැපය තව ඩින්ගෙන් බිමය.

සිරා ගල් බීත වී. අතපය නොහොල්ලා හිඳී.

ඌ එළඹ සිහියට පැමිණියේ ඉන් විනාඩියකට පමණ පසුවය.

රොටියා: "මොකෝ බන් උනේ.. මං හොඳටම බය වුනා.."

සිරා:(සිහින් ඉකියක් අතරින්) ඒ බන් මගේ අක්කනේ.. අම්මල කිව්වට බැන්ද ඔය මිනිහව. දැන් අක්ක එවන සල්ලි වලින් බිබී ඇවිදිනවා. සල්ලි එව්වේ නැත්තන් අපේ ගේ ලඟට ඇවිත් සරම උස්සන් ඉන්නවා. අපි කීප සැරයක් පොලිසිත් ගියා. ඒත් වැඩක් උනේ නෑ. අක්ක අපා දුක් විදිනවා බන් ඔය මිනිහත් එක්ක...උඹම කියහන් එහෙම මිනිහෙක්ට ඔහොම නැතුව වෙන කොහොම කතා කරන්නද?
හොයපන් මචං මේක වීඩියෝ කරලා ඉන්ටර්නෙට් දාපු ****යව. මං ගිහින් ඕකගේ බඩ මාළු එලියට ගන්නවා

****
සමාජ ජාල වල වීරයෝ විරවරියෝ නැත. දුෂ්ටයෝ දුෂ්ටියෝ ද නැත. එවැනි චරිත ගොඩ නගන්නේ ඒ ඒ ජාලවල සැරිසරනවුන්මය.කෙනෙකුගේ පවුගලිකත්වය වීඩියෝ කොට ජාලගත කරන්න නම් මානසික ලෙඩෙක්ම විය යුත්තේය. පැණි හැලියට වැටුණු ඇඹල පැටවූ මෙන් එක එක කාලයට එක එක චරිත වලට වන්දනාමාන කරන්නෙත් ,විවිද චරිත වලට අසීමිතව මඩ ප්‍රහාර එල්ල කරන්නේත් එවැනිම ලෙඩ්ඩු ය..


14 comments:

  1. රොටියෝ මටත් තියෙන්නේ ඔය හා සමානම අදහසක් තමයි ඔය සිද්ධි දෙකම ගැන.ඔය සිංදු කියන නංගි බබාගේ පළවෙනි වීඩියෝ එක දැක්කම මටත් හිතුණේ අපරාදේ දෙයියනේ මේ දක්ෂතාවේ කියලා..නිකමට වගේ මියුසික් කරන මගේ යාලුවෙක්ට යවන්නම් කියලා හිතනකොට සිංදුවක් රෙකෝඩුත් කරලා ඉවරයි බං..
    ඊලඟට ඔය සුජී දීපන් ෆෝන් එක ළමයෙකුට වීඩියෝ එක මම දැක්කේ ඒකේ ෆන් එක ඉවරවුණාට පස්සෙයි.ඒත් මට හිතෙන්නේ ඒක මහ පව් වැඩක් කියලා..ඒ මනුස්සයගේ තත්වේ දන්නේ ඒ මනුස්සයා..කුප්පකමට වීඩියෝ කළ එකා නොදන්නවා ඇති..ඒත් ඒ වගේ දෙයක් ප්‍රසිද්ධ කරන්න කලින් කෙනෙකුගේ පෞද්ගලිකත්වය ගැන හිතන්න ඕන නේද? ඒ මනුස්සයටත් දරුවෝ ඇති..ඒ දරුවන්ගේ ගෞරවයට මොකද වෙන්නේ (සමහරවිට ) උන්ගේ වයසෙම උන් ඕක බුකියේ අතොරක් නැතුව ෂෙයා කරකර මෙමෙස් හදහද නටනකොට..හැම මිනිහෙක්ටම ආත්ම ගරුත්වයක් තියෙන බව යූ රිපෝටර්ස්ලට අමතක වෙලා.හරිම කණගාටුයි..

    ReplyDelete
    Replies
    1. ආත්ම ගෞරවේ කියන එක බල්ලට දාන, මිනිහෙකුට පෞද්ගලිකත්වය කියල දෙයක් නැතිම කරලා දාන මේ ජඩ මාද්යට විරුද්ධ නොවී මක් කරන්නද බං

      Delete
  2. තණේ පාර සුපිරියි රොටියා. සමාජය වඩාත් යහපත් තැනක් කරන්න සමාජ මාධ්‍ය යොදාගත හැකියි. ඒ වගේම අමන රැලි නිර්මාණය කරන්නත් යොදාගත හැකියි.

    ReplyDelete
  3. නියම කනේ පාර රොටියෝ! මමත් කියන්නෙ, ඔය ගොන් ආතල් ගන්න උන්ට, තමන්ගෙ කෙනෙක්ට ඔහොම දෙයක් වෙච්ච දාට තමයි තේරෙන්නෙ.

    ReplyDelete
  4. රොටිය ගානට පිච්චුනා .................. එල ඈ..............

    ReplyDelete
    Replies
    1. රොටිය කර නොවී තියා ගන්න පුදුම අමාරුවක් තියෙන්නේ machan

      Delete
  5. මම තවම ඔක දැක්කෙ නෑ..හැබැයි උඔ කියන කතාව ඇත්ත

    ReplyDelete
    Replies
    1. බලපන්කෝ. බලපුවාම තේරෙයි කොච්චර අසරණ ගෑනියෙක්වද ඒ බයිට් එකාට අරන් තියෙන්නේ කියල

      Delete
  6. නියමයි. ලස්සනට කරකවල තියෙනවා. බලන් යනකොට අපි ඔක්කොම සිරාල තමයි.

    ReplyDelete
  7. බුකිය තමා බුකිය

    ReplyDelete
    Replies
    1. පිහිය වගේ තමා. හොඳට පාවිච්චි කරලා අරන් තියන්නයි තියෙන්නේ. පොඩි ළමයින්ටයි, අඳ බාලයන්ටයි අහු නොවෙන විදියට

      Delete